Hungary-a khualzin phur lawng chesualah mi 7 an thi a, chin hriat loh mi 21 an awm bawk.

0
550
views

Hungary leh South Korea thuneitute chuan Budapest-a Danube lui-ah South Korea khualzin mi 33 chuanna lawng, “Mermaid” chu Nilaini zan, ruahsur vanglai, tualchhung sana-a dar 9:15 khan lawng lian zawk nen an insu a, Hungary khualzin phur lawng hi letin a pil tih an sawi a, Hungary-a rikrum thil-a chhanchhuak hnathawktu pawl-a thupuangtu Pal Gyorfi chuan mi 7 an thi a tih a sawi a, midang 7 chu damdawi ina hruai niin an dinhmun a ngaihtuahawm loh tih a sawi a, thi zinga naupang ber hi Korea hmeichhe naupang kum 6 mi a ni. Hungary police thupuangtu Kristof Gal chuan mi dang 21 te zawngin Danube lui an dap mek tih a sawi.

South Korea President Moon Jae-in chuan chhanchhuah hnathawktute theih ang anga pui turin thupek a chhuah a, Foreign Ministry chuan minister Kang Kyung-wha chu sorkar hnathawkte kaihruai turin Budapest a pan tih an sawi bawk a, Budapest-a Korea Embassy chuan vanduaina tawkte nihna hriatchian vat theih nan chhanchhuah hna thawktute an pui bawk a ni.