Hunthar venga NH 54 kawng chhuat tlakhniam thinna chhaka Pi Lalmalsawmi in Assam Type chu tukin khan khawtlangin an thiat.

0
237
views

Hunthar Local Council hotute hnen a\anga ZONET thudawn danin Pi Lalmalsawmi in innghahna lei chu a chet zui zel avangin Aizawl DC thupek in \hiah a nih thu a sawi a, lei che zel tur venna atana AIE ten lung an rem pawh lei a chet zel avang hian a chhe leh nghal tih sawiin tui taiput pawh ala awm reng tih an sawi. Kan Corr. a hmuna kalin a sawi danin Pi Lalmalsawmi in hnuai ber chhuat hi a khi chat vek tawh a, a dinna lei a tla hniam bawk a ni.

Hunthar venga NH 54 kawngchhuat tlakhniam \hinna chhak lei chu kum 2016 August thla khan nasa takin a tawlh a, hemi avang hian in engemawzat \hiah a lo ni tawh a, chhungkaw tam takin an in an rauhsan tawh a, kumin June ni 29 khan Pi B Sairengpuii in chu chimin, a chim bang chu DC thupekin thiah a lo ni tawh bawk. He lei tawlh avang hian tuna in \hiah nen In 14 leh baptist biakin 1 \hiah a ni tawh a, chhungkaw 50 chuang an insawn chhuak tawh a ni.