Hurricane Dorian-in Bahamas a nuai vanga thi chu pun belh lehin tun dinhmun thi zawng zawng 43 an tling tawh a, chin hriat loha bo mi engemawzat an la awm bawk.

0
438
views

Abaco thliarkara chengte chuan sorkar chu thlipui tuartute \anpuina leh venhimna pek kawngah a hlawhchham tih an sawi.

Dorian hian darkar khata km 300-a chaka tlehin Bahamas hmarlam a nuai a ni. Abaco thliarkara chengte chu Nassau khawpuiah thiarchhuah an ni a, heng mite hian chen lailawk nan puan in an kaih a ni.

Health Minister, Duane Sands chuan mipuiten sorkar an puhna chu pha-in thi zat leh chin hriat loha bote zawn hna aiin dam khaw chhuakte venhima, an chhungte chin hriat loha awm an hmuh vat theih nana enkawl chu thuneitute ngaihpawimawh hmasak a ni a ti.