Hurricane Irma vangin Caribbean-ah mi 8 thi tawh

0
307
views

Caribbean biala thliarkar pakhat, St Martin-a thlipui na tak, Hurricane Irma thawkah mi 8 an thi tawh a, mi dang 28 an hliam bawk. Hurricane Irma hian nimin khan Caribbean thliarkar, Barbuda a nuai a, thlipui hi darkar khata km 295-a chakin a thawk a, chenna in leh thing kung eng emaw zat a tichhia a, mi 1 a thi nia hriat a ni. Thliarkar pahnih awmna ram, Antigua leh Barbuda PM, Gaston Browne-a chuan thlipui sulhnu avang hian Barbuda thliarkar chu luah tlak loh deuhthawin a awm niin a sawi a, siam tha leh tur chuan hun rei tak a duh dawn nia sawiin, ngai awh leh tur chuan kum eng emaw zah a ngai dawn niin a sawi.