ICC-EXIM Summit Commerce & Industries Minister-in hmanpui

0
606
views

Sorkar laipuia Commerce & Industries Ministry hnuaia Foreign Trade Jt. Director General leh Mizoram sorkar-a Commerce & Industries Department \anpuinaa Indian Chamber of Commerce leh Export Import Bank of India-in ram dang nena insumdawn tawnna zau zawka chhunzawm zel dan tur zirhona, ICC-EXIM Summit, Aijal Club-a an buatsaih chu Commerce & Industries Minister, Pu H. Rohluna’n a hmanpui a. Mizoram chu khawchhak ram nena insumdawn tawnna hmun rem tak a nih thu leh hei hi hman \angkai a nih chuan nasa taka hmasawnpui tham nia sawiin, Zokhawthar-a Myanmar nena insumdawn tawnna bakah Kaladan Multi Modal Transit Transport Project hnuaia Mizoram chhim lama Myanmar nena inkalpawhna tur siam mek pawh zawh thawkhat a ni tawh niin Minister chuan a sawi.

He zirhonaah hian ramri kana insumdawn tawnnaa bungraw lak luh leh thawn chhuah chungchanga hriat tur pawimawh leh EXIM bank hnuaia hamthatna awm thei leh an hnathawh dante zir ho a ni a. Hmarchhak bial, khawchhak ramte nena insumdawn tawnna kawtkai pawimawh a nihna chu mipuiten an hman \angkai theih nan hetiang inzirtirna, ICC-EXIM summit hi nikum a\ang khan buatsaih \an a ni a, nikum khan Agartala-ah neih niin, hmarchhak bial hmun hrang hrangah neih chhoh zel tum a ni.