ICFAI Students’ Action Committee President Lalnunpuia’n Mizoram sorkarin ICFAI hnenah \anpuina cheng vaibelchhe 2 leh nuai 50 pek a tum nia an hriat thu a sawi.

0
243
views

Vawiina Aizawl Press Club-a thuthar thehdarhtute an kawmnaah Lalnunpuia hian Mizoram sorkarin ICFAI hnena tangkafai \anpuina pek a tum hi an duh lo tih a sawi a, ICFAI in an zirlai leh thawktute harsatna tawh a sutkian theih loh laiin heti zat tangkai hi Mizoram sorkarin pe ta pawh nise, Mizoram ICFAI ni lo, hmun dang atan an hman zawk an rin thu a sawi a, \anpuina hi pe lo tura sorkar an duh thu a sawi.

Lalnunpuia hian, ICFAI din a nih dawna Hyderabad-a ICFAI headquarters intiamna te chu tun thlengin tih hlawhtlin a la ni lo niin a sawi a, ICFAI headquarters a an thu thlen ten ngaihpawimawh a hlawh ngai lo tih sawiin ziakin emaw tawngka emaw pawhin chhanna an hmu ngai lo tih a sawi. Tuna an thil nawr zingah fee ti hniam tura an ngena chuan awmzia a neih loh thu a sawi a, Thawhlehni-a an kawmnaah ICFAI Chancellor hian an thil phut hi a tih hlawhtlin theih loh tur thu a lo hrilh tih a sawi.

Hyderabad ICFAI Society-in an harsatna an sutkian sak theih loh avang hian Mizoram sorkar chu hma laksaka an harsatna rang taka chinfel sak turin an ngen tih Lalnunpuia hian a sawi.