IKK-in Bial Hmeichhe Inkhawmpui hmang mek

0
940
views

Isua Krista Kohhran chhinchhiahna atana Kraws var hmang te chuan nimin atang khan bial hrang hrangah Bial Hmeichhe Inkhawmpui an hmang mek. Inkhawmpui hi naktuk Pathianni zanah a tiak ang. Inkhawmpui hmanna bial hrang hrangte chu Aizawl bialin Tuikual Kohhranah, Champhai bialin Vaikhawtlangah, Darzo bialin Pangzawlah, Farkawn bialin Thekte-ah, Kawlkulh bialin Kawlkulh North-ah, Kawrtethawveng bialin Phuldungsei Tripura-ah, Mamit bialin Mamitah, Maite bialin Khawbelah, Phulpui bialin Phulpuiah,
Rawpuichhip bialin Hmunpuiah, Thenzawl bialin Thenzawlah a ni a, West Phaileng bial erawh chuan hemi rual hian an nei ve lova, karlehah W.Phailengah an nei dawn a ni. Nizan inkhawmpui tan zan khan Kohhran hrang hrang atanga report ngaihthlak a ni a,
thupui atana an thlante hawn nghal a ni. Aizawl bialah chuan bialtu Pastor, Rev. Lalronghaka chu thupui sawitu a ni a, Kawrtethawveng bialah chuan Bualpui NG-a Speaker, Pi F. Sangvuani’n thupui a sawi a ni.