IKK thalai din champha vawi 42-na

0
459
views

Vawiin hi Isua Krista Kohhran |halai din champha vawi 42-na a ni a, Isua Krista Kohhran Central |halai ruahman angin Mizoram hmun hrang hranga Pastor Bial leh Branch-in he ni pual hian vantlang tana thil \ha tihna atan an hmang a. Pastor bial leh Branch \henkhat chuan damlo-te tan thisen pein, vantlang hmun pawimawh leh khawlai dung thian faia hnatlang leh Home hrang hrang \anpuina an hlan a ni.

Aizawl Bial IKK |halai chuan, Central |halai Leader, Rev. Lalronghaka hovin  Zemabawka Cancer Hospital-a damlo leh anmahni awmpuitute chu thingpui hmeh an pe a, damlo awm zawng zawng, mi 25 chu Rs. 200 \heuhin an kan a ni.

IKK Thenzawl Pastor Bial |halaite pawhin heni puala khawlai thenfai hnatlang neih an tum chu nimin lamah Thenzawl khaw pum huapa Swachh Surveksan puala hnatlang neih a nih avangin faina kawnga thawh chhunzawm nan Thenzawl Joint V.C hnenah Rs. 4,000 an hlan a ni.

IKK Thalai hi kum 1976 January ni 9-ah din a ni a, kum 2016 General Conference-in an din champha chu Social Work Day atan hman ni se tih a rel angin nikum atang khan vantlang tana thil \ha tihna atan an hmang \an a ni.