Independence Day 72-na ropui takin ram pumah hman a ni a, a lawmna ropui ber, New Delhi-ah PM Narendra Modi leh sorkar mi pawimawh hrang hrangin thu an sawi.

0
559
views

Tun hi kum 2014-a NDA \angrual pawlin sorkarna an siam hnua Modi-a’n Independence Day puala thu a sawi \um 5-na a ni a, UPA enkawlna hnuaiah ram chu sai muhil ang mai a nih thu leh NDA-in a kaihthawh leh thu te, tunah chuan hma lam pana a tlan a tlan tawh zawk thu te a sawi a ni. Puan tawh angin Modi hian mi rethei zawkte \anpuina sum pekna tur scheme, Ayushman Bharat – National Health Protection Mission (AB-NHPM) hman \an hun tur puan a ni a, thla thar ni 25 a\angin he scheme hnuaiah hian mi vbc 50 vel enkawl tum a nih thu leh hei hian ramchhung hmun hrang hranga chhungkaw vbc 10 a tuamhlawm theih an beisei thu a sawi a, mipa ang bawka Armed Forces-a hmeichhia-te a ngheta dah theihna tur ruahmanna thar siam a nih tur thu a sawi bawk a, tunhnaia sawi hlawh tak – pawngsualna thleng \hin chungchang leh Dalit leh hnam dang hnuaihnung zawkte chawisanna tur chungchanga sorkar laipui hmalakna te a tarlang bawk a, kum 2022-a van thengrenga mihring thawnchhuah hman ngei tum a nih thu a sawi bawk a ni.

Modi hian minute 80 lai thu a sawi a, chhungtin hnena in leh lo bakah kawlphetha leh ei rawngbawlna gas leh inthiarna mumal leh tui thianghlim pek vek chu NDA \angrual pawl kaihhruai sorkar-in a hla ber a nih thu-in a thusawi hi a tlip a ni.