India-a cham mek, Italy PM Giuseppe Conte leh PM Narendra Modi-te chu thawlehni khan an inkawm a, sumdawnna leh venhimna leh kawlphetha siam chhuah kawngah leh in sak chungchangah te thawhdunna thu an thlung a, mi firfiak pawlte humtu ramte an dem thu an sawi bawk.

0
253
views

 

Ram pahnih hruaitute hian ram leh ram insumdawng tawn turte pawhin ram dang zahawmna an ngai pawimawh tur a ni tih te an sawi bawk a, hei hi China-in Pakistan kaltlanga Belt and Road Initiative kawng sial a tum chungchang an sawina a ni a, thuchhuah an siam dunah Conte chuan Nuclear Suppliers’ Group-a India a tel ve an thlawp thu a sawi bawk a, Nuclear Suppliers’ Group-ah hian China chuan India tel ve na tur hi vawi eng emaw zat a lo dal tawh a ni. Modi leh Conte te hian India leh EU ramte insumdawn tawnna tur, inbiakna chawlhsan lailawk tawh chhunzawm leh \ha an tih thu te an sawi bawk a, zirna tih hmasawnna bakah, rel kawng chungchang te pawh an sawi bawk a, Modi hian kum 2019-a ram pahnih-in a firfiaka chetna dodal kawnga inbiakna an neih tur thlen a duh thu a sawi bawk a ni.