India-a cham mek, Russia President Vladimir Putin leh PM Narendra Modi-te chu vawiin khan ram pahnih inkara thil pawimawh an sawidun.

0
648
views

Hei hi India leh Russia inkara ram hruaitu lu pahnihten thil pawimawh an sawidunna, Bilateral Summit neih \um 19-na a ni a, Modi leh Putin te hian inremna thuthlung engemawzat an siam a ni.

Ministry of External Affairs thuchhuah chuan ram hruaitu pahnihte inkar boruak hi a \ha hle tih a sawi a, an inbiakna hian ram pahnih tan rah \ha tam tak a chhuah dawn niin a sawi bawk a, hetah hian venhimna kawng bakah, nuclear chakna leh vansang lam zirna leh sumdawnna kawngah te inremna siam a nih thu a sawi bawk a ni.

Modi chuan nikum lama Sochi-a Putin nen an lo inhmuh tawh avangin tun \uma an inkawm pawh hian a huam zau phah hle tih a sawi a, Russia nena an inkar India-in a ngaih pawimawh thu leh khawvel Politics boruak inthlak zung zungah an inkar chu a pawimawh lehzual hle a ti bawk a, Russia chu India thlawptu a nih reng thu te a sawi bawk a ni.

Putin pawhin India chu inzahtawn tak chunga an kawmngeih tak ram a ni tih a sawi a, Modi nen an inkawmna chuan hun rei tak daih tur ruahmanna \ha leh remchang tak tak a siam ngei tur thu leh ram pahnih insumdawn tawnna chu za zelah 21-a a \han tawh thu leh kum thar lama sumdawnna kawnga inhmuhkhawmna, Vladivostok Forum neih turah khuallian ni turin Modi chu a sawm nghal bawk a ni.