India-in Mission Shakti kalpuia satellite kah thlak theihna ralthuam a enchhin hnuah Acting US Defence Secretary Patrick Shanahan-a’n van sang boruak tihbawlhhlawh zel anih loh nan ram dangte chu India hnung zui lo turin a ngen.

0
526
views

Shanahan chuan US chuan India-in missile hmanga ama satellite a kahchhiat hnuhma a la zir mek a, U.S. military Strategic Command te chuan satellite them 250 te an chhuizui mek a, heng satellite them te hian Khawvel boruak an luh hma chu an chhuizui zel dawn tih an sawi a ni.

Mi thiamte chuan heng satellite kahchhiat them te hian van boruak sangah thil dang nena insuin khawvelah buaina a thlen thei tih an sawi a, India Ministry of Eternal Affairs erawh chuan Khawvel hnaih, boruak hniam lamah he satellite hi kahchhiat a nih vangin a keh them te chu \awihin Khawvel chungah a tlak leh mai tur thu a sawi a ni.
NASA hotu Jim Bridenstine chuan anti-satellite ralthuam enchhinna hian thui tak nghawng a nei thei tih a sawi a, van boruak sang tihchhiat a nih chuan siam \hat leh dan a awm lo tih a sawi.