India-in Pakistan-in F-16 thlawhna a hmang tih finfiah nana AMRAAM missile them a phochhuah hnuah leh Indian Air Force pilot Abhinandan Varthaman-a’n F-16 thlawhna hi a kapthla nia a sawi hnuah US defence official te’n Pakistan-a F-16 thlawhna te a kim tih an sawi.

0
364
views

US hian Pakistan hnena F-16 indo thlawhna a hralh dawn hian ram hnufual zawk te nena indo nan-a hmang lo turin a intiamtir a, February thla-a India nena an inbeihnaa India hian Pakistan hian F-16 hi a hmang tih finfiahnan F-16 thlawhna chauhin a phur theih ARAAM missile them a pholang a, Pakistan kuta hun engemaw chen awm, Indian Air Force pilot Abhinandan Varthaman chuan ama thlawhna an kahfuh hmain F-16 thlawhna nen an inkah thu leh a kahthlak thu India chuan a sawi a, Pakistan chuan tun hnai khan US chu F-16 thlawhna an kawlte chhiar turin an sawm a, US defence official te chuan an chhiar hnuah F-16 thlawhna te hi a la kim vek tih an sawi a ni.