India leh Iraq ten Chabahar-a Shahid Bedeshti lawngchawlhna intawmna tur thu thlung

India leh Iran ten Chabahar-a Shahid Bedeshti lawngchawlhna intawmna tur thuthlung vawiin khan an ziak. Chabahar lawngchawlh hmun hi Pakistan rama china enkawl Gwadar lawngchawlhna atanga km 90-a hlaa awm a ni a. Iran chhim chhak lama awm, Chabahar hi India, Iran leh Afghanistan ten Pakistan kaltlanga an indawr tawn theihna hmun a nih avangin hmun pawimawh tak a ni. Inremna hnuaiah hian Iran chuan thla 18 chhung atan helai hmuna terminal thenkht chu a hawh chhuah tir dawn a, India chuan Shahid Beheshti lawngchawlh hmun tih changtlunna tur hian dollar mtd 85 pek a remti a ni. Kum 2016-a Prime Minister Narendra Modi a’n Tehran a tlawh tum khan India, Iran leh Afghanistan te chuan bungraw inhlan chhawn tawnna kawngah hian inremna an lo siam tawh a ni. Tukina Iran President Hassan Rouhani nen an inkawm hnuah Prime Minister Narendra Modi hian insumdawntawnna lamah Iran nen thawh dunna tha zawk neih kan duh a ni a ti a, Rauhani pawhin Iran leh India chuan Chabahar chungchangah rilru inpawh taka hmalak dun an duh tih sawiin, energy, petrol leh gas -a insumdawntawnna lamah pawh zau zawka thil kalpui an remti ve ve tih a sawi.