India leh Myanmar sorkar inremna anga Rih-Zokhawthar kawnga ram pahnih inkal pawhna chu vawiin khan Chin State Chief Minister, Pu Salai Lian Luai leh Mizoram Commerce & Industries Minister, Pu H. Rohluna ten an hawng.

0
242
views

Hemi hnu hian Minister pahnihte hian Zokhawthar leh Zokhawmawi inkara |iau luia lei chu kea kalin an zawh kai a, hei hi ram pahnih inkara sumdawnna lam atana intlawh pawhna, Agreement on Land Border Crossing with Myanmar hawn a ni tih entirna a ni. Hemi hnua Zokhawthar Land Custom Station Hall-a an inkawmnaah Pu Salai Lian Luai leh Pu H. Rohluna te chuan India leh Myanmar sorkarin ramria inkalpawhna nei tura inremna an siam leh hei hi tihpuitlin a ni ta chu lawmawm an tih thu an sawi a, hei hian ram pahniha mihring chengte inkarah inkungkaihna leh inpawhtawnna \ha tak a siam an beisei thu an sawi a ni. India leh Myanmar sorkarin ramri k^na inkalpawhna an siam hian boruak melah km 16 a huam a ni. Pu H. Rohluna hi Trade & Commerce Secretary, Pu Zothankhuma leh Commerce & Industries Director, Pu J. Hmingthanmawia ten an \awiawm a ni. Chin State Chief Minister hi Myanmar sorkar officer ten an \awiawm bawk a ni.