India leh Pakistan inkar boruak sang zel tur thawi dam nan Pakistan chuan India mi an rama lung in tang 360 chhuah an rem ti.

0
329
views

Pakistan lung inah hian India mi 537 an tang mek a, heng zinga 360 chu tun thla hian chhuah zalen an ni dawn niin Foreign Office thupuangtu Mohammad Faisal-a chuan a sawi a, an zingah hian sangha mantu 355 civil mi 5 an tel a, karleh thawh\anni hian a thawh khatna neih tur a ni a, hemi \umah hian mi 100 chhuah an ni ang a, a thawh hnihna chu April ni 15-ah neih leh a ni ang a, April ni 22-ah a thawh thumna neih a ni leh ang a, tun thla ni 29 hian zawh fel tum a ni. Lung in tangte hi Karachi a\angin Lahore-ah hruai an ni dawn a, Wagah-a ramri kanna hmunah sorkar thuneitute hnenah hlan an ni dawn a ni. Faisal chuan an thutlukna hi India sorkar laka \hat chhuah an duh vang a nih thu leh remna leh muanna an duh thu tihlanna a nih thu a sawi a, India pawhin \hat a chhuah ve ngei an beisei thu a sawi bawk a ni.