Gurpreet Singh hian a nupui leh a laina hnai mi pathum April thla khan a that a, New Haven County-ah India sorkar kuta hlan let turin hren rih a ni. Branford Police Deptt.-in an sawi danin West Chester Police ten Gurpreet Singh chetvel dan hi chhui zuiin, amah hi Wal-Mart-a lirthei dahna hmunah an man a ni. Mitthi te hi Shalinderjit Kaur, Amarjit Kaur, Parmjit Kaur leh Hakiakat Singh Pannag te an ni a, police te chuan heng mi palite hi silaia kahhlum an ni a, an luah hliam turin vawi hnih \heuh kah an ni tih an sawi.
Gurpreet Singh hian April ni 28 khan police te a phone a, West Chester-a a chenna inah mi pali ruangte hi a hmuh thu a hrilh a, police te chuan thuhretu atan hruaiin, zawhna an zawh hnuah an chhuah leh a ni. Gurpreet Singh hi Shalinderjit Kaur nen hian kum 17 chhung an innei a, fa pathum an nei niin a sawi.
Hnu chhuitute chuan Gurpreet Singh chenna chhehvel an dap laiin tui chhung lut mi pakhatin an chenna in hnung lama tuikhuahah silai a chhar tih an sawi a, he silai hi heng mi te thah nana hman a nih leh nih loh finfiah mai theih a ni lo a, Prosecutor, Mike Gmoser chuan he thubuai hi roreltu sang berah hlan a ni ang a, tihhlum tura rel chungchangah an ni’n thutlukna an siam dawn a ni a ti.
