Union Health Ministry chuan darkar 24 chhungin kai thar mi 3,900 leh thihpui mi 195-an awm tih a sawi a, ni khat thil thua kai thar leh thihpui tam ber tum a la ni.
Heti hian ram chhunga coronavirus kai tawh zawng zawng chu mi sing 4, sang 6,433 an tling tawh a, mi sang 1,568 an thi tawh a ni. Damlo zingah mi sing 1, sang 2,727 enkawl dam an ni a, mi sing 8, sang 2,792 test thar an awm bawk. Enkawl dam tawh zat chu Thawh\anni khan zaa 27.4 an tling tawh a ni.
Coronavirus tuar nasa ber state Maharashtra-ah chuan darkar 24 chhungin mi a kai hmuh chhuah mi 1,567 an awm a, thi mi 35 an awm bawk. Tamil Nadu-ah chuan kai thar mi 527 an awm a, Gujarat-ah mi 29 an thi a ni.
