India ram hmarchhak State hrang hranga Science zirlaiten science film leh an zirlai hmanga an intihsiakna Sci-Connect-2018 final Tripura khawpui, Agartala-a vawiina zawhfel takah Mizoram zirlaite chu pahnihna an ni a, Assam-a zirlaite an tluk lo a ni.

0
236
views

He intihsiaknaah hian State pariata zirlai tel zingah Mizoram aiawhin St. Pauls Higher Secondary School zirlai pathum an tel a, heng mite hi an zirtirtute bakah Mizoram Science, Technology & Innovation Council-a Scientific Officer Pu Davy Lalruatliana ten an hruai a ni.

He inelnaah hian hmarchhak State hrang hranga science zirlai 9,000 chuang an tel a, inelna hi sorkar laipui hnuaia Vigyan Prasar, Department of Science & Technology-te bultuma neih a ni.