India rama mi hausa ber, Mukesh Ambani-a fanu Isha Ambani pasal neih ni tur a hnai zel a, December ni 12-a sumdawng hausa Anand Piramal nen an inneih lawmna hi \an chhoh a ni ta.

Ambani chhungkua hian inneih lawmna hi dangdai takin an \an a, Rajasthan Udaipur hmunah pianphunga rualban lo mi 5100 zet tan ni thum chhung ruai an buatsaih sak a ni. An chhungkaw thu chhuah tarlan danin hetianga ruai an buatsaih hi Anna Seva tiin an vuah a, Ni 4 chhung, december ni 7 a\anga ni 10 thleng an chhunzawm chho dawn a ni. Anna Seva ah hian an chhungkuaa mi, Amah Mukesh Ambani leh Nita Ambani te bakah Ajay leh Swati Piramal te, Isha Ambani leh Anand Piramal te pawh an tel a, hei bakah hian India ram hmun hrang hranga kutthemthiam thil siam chhuahte phochhuahna exibition pawh an buatsaih dawn a ni. Ni thum chhung awh, zai leh lam entirna pawh inneih lawmna programme zingah a tel a, celebrity rual lemchanthiam Anil Kapoor leh a nupui Sunita Kapoor te, Film siamtu lar David Dhawan te, Fashion Designer Manish Malhotra te pawh inneih lawmna-a tel langsar zingah an tel a, Udaipur airport-ah ringawt pawh inneih lawmnaa tel tur chartered flights 100 chuang a \um tawh a ni.