India sorkarin New Delhi-a Pakistan Hgh Commission-a Pakistan National ay lawmnaah India palai tirh a tum lo.

0
359
views


Pakistan National Day hi march ni 23 ah Lahore Resolution hriatrengna puala lawm \hin a ni a, politician engemawzat, Union Minister VK Singh leh Gajendra Singh Shekhwat, leh Minister hlui MJ Akbar te tiamin he lawmna inkhawmah hian an lo tel tawh \hin a, amaherawhchu tun \um chu Pulwama-a pawikhawihna a thlen hnua ram pahnihte boruak \ang tak karah Jammu and Kashmir-a India a\anga inlak hran duh pawl hotu engemawzat sawm an nih avangin India hian a palai te tirh loh a rel ta a ni.

Tun hma pawh khan India hian Kashmir leh thil dang chungchang sawipui turin Pakistan hi a sawm fo tawh \hin a, heng inlak hran duh pawl Hurriyat hotute nena inbe tawh lo turin a ngen tawh \hin bawk.
Tuna Pakistan hmalakna hian India ram chhung inrelbawlnaah inrawlh a tum leh tih a kawk a ni tih Official pakhat chuan a sawi a, heng Hurriyat hotute hi sawm ni mahse, a tam zawk hi thla hmasaa sorkar hmalakna ah khan lung in-a tantir mek leh an chenna chhuah san thei lova hren mek an ni hlawm a, la man lohte pawhin man an nih ve hlauin he ni lawmnaah hian an tel ngam a rinawm loh a ni.