Indian Chamber of Commerce, West India Office enkawltu, Pi Sharmila Banerjee-i’n Raj Bhavan-ah larsap hmu, ICC hmanga Mizorama Company liante sumdawn theih dan tur sawipui

0
668
views

Indian Chamber of Commerce, West India Office enkawltu, Pi Sharmila Banerjee-i’n vawiin khan Larsap, Lt. Gen. Nirbhay Sharma chu a chenna Raj Bhavan-ah a hmu a, ICC hmanga Company liante, Mizorama an sumdawn theih dan tur a sawipui a. Larsap chuan, ICC chu India rama sumdawnna tihhmasawn tum pawl zinga upa ber a nih angin Mizoram mai ni lo, hmar chhak bialte tan hmasawnna thlentu a nih theih a beisei thu a sawi a. An hnathawh chu sorkar laipui Act East Policy nen pawh a inrem hle nia a hriat thu leh, \henawm ram Myanmar leh Thailand thlenga insumdawn tawn tura ruahman ni thei se a duh thu a sawi. Larsap chuan, he thil bawhzui tur hian Investor-te chu Mizoramah lo kalin, eng lam hawi zawnga bul \an tur nge tih rawn enfiah hmasa se a duh thu leh Tourism, Agriculture leh Horticulture lamah \an la thei se a duh thu a sawi bawk. An inkawmnaah hian ICC hotu, Pi Sharmila Banerjee chuan, tun thla ni 11 hian Mumbai-ah sorkar, Investor leh kuthnathawktu pawl hotute tana inhmuh khawmna, ICC Business Summit buatsaih a nih tur thu leh hei hi Mizoram a\ang pawhin chhim ve thei se a duh thu Larsap chu a hrilh a. Tunah hian hmarchhak biala hnathawh dan tur zir chiangtu tur, Core Group din a nih tawh thu leh Tourism chawi kang tura Tour Operator hrang hrang nena an inbiak tawh thu a sawi bawk.