ICMR Director General, Balram Bhargava chuan Stage 2-ah India chu awmin, Stage 3 chu mipui vantlang inkaichhawnna a thlen tawhna chin a ni a, stage 3 chu India-ah a thlen loh theih nan ramdang nena inkalpawhna zawng zawng khauh taka khar a ngai ang a, sorkarin he thilah hian \hahnemngai taka a beih chuan mipui inkaichhawn chiam chiamna ang chu a pumpelh theih ang a ti.
Stage 1 chu ram dang miin an ram ni lo, ram danga an va zinna an rama an kai luh a ni a, stage 2 chu tualchhung mi Covid-19 veiin a bulhnaia awm mi tlemte a kai chhawn a ni a, stage 3 chu mipui tam takin an inkaidarhna niin, ram danga zin lo leh damlohna nei sa lote hnena a kaiin an kaichhawnna a ni. Stage 3-ah hi chuan Covid-19 veitu-in khawi a\anga a kai nge tih chu hriat hleihtheih a ni tawh lova, tunah hian Italy leh Spain chu Stage 3-ah an awm mek a ni. Stage 4 chu a chhe lai ber niin, he natna hri leng hian eng chen nge a daih dawn a, engtia thui nge mihringah nghawng a neih dawn tih chu hriat theih a ni lo a ni.
