Indian Film Festival Mizoram CM Pu Lal Thanhawla’n hawng

0
715
views

Naktip, Ningani thleng awh tur, Indian Film Festival Mizoram chu vawiin tlai dar 5 khan Vanapa Hall-ah CM, Pu Lal Thanhawla’n a hawng a, a hawnnaah inkhawmah hian Savdhan India a\anga Mizo mipuite hriat hlawh, Susanth Singh pawh a tel a, Susanth Singh hian he Festival-a tel tur hian vawiin khan Lengpui \umhmun a\angin Aizawl a lo thleng a ni. Indian Film Festival Mizoram hawnna inkhawmah hian Mizorama khaw fai bera thlan, Biate faina puala Film insiamsiaka a ti\ha pathumte chu lawmman hlan a ni a, lawmman dawngtute Film siam hi chhuah nghal a ni. Indian Film Festival Mizoram-ah hian India rama Film siamtu \hahnem tak an tel a, heng mite hi Mizorama an cham chhungin hmun hrang hrang fan kualpui an ni ang a, nakin zelah Mizoram chu Film channa hmun \ha tak a nih theih nan Mizoram mawina hmuhtir an ni dawn a ni. Naktuk a\angin Aijal Club lamah mipui a duh apiang en theih turin film hrang hrang chhuah a ni bawk ang.

He Film Festival huaihawttu, Innovations India hotupa, Captain Rahul Bali chuan, Mizoram mawina leh nawmna chu film siamtuten a takin hmu se an duh avangin he Festival-a tel tur hian film siamtu hrang hrang an dawr thu leh harsatna tam tak an tawh thu a sawi a, an tan Mizorama kal hi a tirah chuan thil chakawm ni hran lo mah se, film siam theihna tur khawpa hmun mawi a nih thu an sawi hnuah Italian film siamtu thlengin an lo kal thei ta chu lawmawm a tih thu a sawi a ni. Indian Film Festival Mizoram-ah hian ZONET leh Vanglaini chanchinbu chu Media Partner an ni.