Indian Society of Radiographers and Technologists Annual Conference vawi 4-na, nizana Berawtlang Tourist Complex-a an hman chu CM, Pu Lal Thanhawla’n a hmanpui a. Damdawi lam thiam leh thawktute chu an hna chanpual an thiam a tul bik tih sawiin, hriselna lama mipui zirtirtu an nih avangin an mawhphurhna an hriat chian a pawimawh thu a sawi. He pawl Conference hawnna inkhawm hi Organizing Committee Chairman, Dr. M. Sarmah-a’n a kaihruai a, CM hian he khawmpui puala Souvernir leh ISRT-in Magazine a buatsaih, ALARA tih a tlangzarh a ni. ISRT khawmpui hi vawiin khan chhunzawm a, zawh nghal a ni a, he khawmpuiah hian ram chhung hmun hrang hrang atangin palai 150 chuang an tel a ni.
