Indonesia-a lirnghing vanga tuilian, tsunami vanga chhiatna hrang hrang thlenga thi hmuh chhuah tawh zat chu mi 1,374 a tling tawh.

0
506
views

 

Indonesia National Disaster Agency hotupa, Willem Rampangilei chuan thi bakah hian chin hriat loh mi 113 an awm mek tih a sawi a, in chim kara nung dama la awm mi eng emaw zat an hmuh belh tawh thu leh, tun dinhmunah chuan chhanchhuah hna chu an dah pawimawh ber rih thu a sawi a, zirtawpni hian nung dama la awmte zawnna hun tihtawp a nih tawh dawn avangin an hmanhmawh tawh hle tih a sawi bawk a ni.

UN lam chuan Palu-a 7.5 magnitude-a naa lirnghing leh a tuifawn thlen tsunami hian chenna in 66,000 vel a ti chhia tih an sawi a, mi 200,000 vel \anpui mamawh tak tak an awm mek thu leh heng zingah hian naupang pawh an \hahnem hle tih a sawi bawk a ni.