Indonesia-ah lirnghing, mi 3 thi

0
403
views

Indonesia thliarkar lian ber, Java-ah nizan khan richter Scale-a 6.5-a na-in lir a nghing a, mi pathum an thi. US Geological Survey chuan lei a\anga mel 56 vela thuk a\angin lir hi a nghing niin an sawi a, km 300 vela hla a\ang pawhin a hriat theih a ni. Thuneitute sawi dan chuan, Ciamis khawpuiah kum 62 mi, mipa pakhat leh Pekalongan khawpuiah kum 80 mi, hmeichhe pakhat chu in chimin a delh avangin an thi a, Yogyakarta khawpuia kum 34 mi, hmeichhe pakhat chu an chenna in a\anga a tlan chhuak tur a tluk sual avangin a thi bawk a ni. Indonesia National Disaster Mitigation Agency thupuangtu, Sutopo Purwo Nugroho chuan lirnghing hian damdawi in eng emaw zat a tihchhiat avangin, damlo tam tak an thiar chhuak tih a sawi a, chenna in 900 vel a chhia nia an chhinchhiah thu leh, zirna in leh sorkar pisa eng emawzat a chhia tih an sawi bawk. Indonesia hi lei hnuaia tectonic plate inzawmna z^wnah a awm avangin lirnghing leh tlangkang an tuar fo a, kum 2004 December thla khan Aceh bialah Richter Scale-a 9.1-a nain lir a lo nghing tawh a, mi 1,70,000 vel an thi a, nikum December khan Aceh-ah hian lir a nghing leh a, mi 100 chuang an lo thi tawh bawk a ni.