Valentines Day I ngaina lo anih chuan Indonesia ah pem mai chi a nih hmel. Asia chhim chhak lam ram thenkhatah Valentines day hi hman khap a ni a, a chhan chu mi tam takin khawtlang lam ram te tih dan entawnna tha lo taka an ngaih vang a ni. Indonesia thliarkar te reuh te te ah chuan Nilaini khan sathau khawnvar leh Hallmark card te bakah thinlung lema siam eitur phochhuahte chu man zawh duak a ni a, Indonesia khawpui ber dawttu Surabaya Police officer te chuan Valentines day lawm tum nula tlangval la innei lo thahnem tak an man a ni. Mataram ah pawh Police te chu zirna in hrang hrangte fangkuala tleirawl leh rawlthar valentines day puala thil emaw tih tumte vai tura thupek an ni a, South Sulawesi Province khawpui, Makassar ah pawh thuneitute chuan valentines day hman hi an khap bawk a, Sharia dan hmanna Aceh ah chuan zirlaiten thuziak chi hrang hrang te kengin kawng an zawh a, Valentine Day hman an duh loh thu te an au chhuahpui bawk a ni.
Chanchin Thar Indonesia-ah Valentines Day hman khap
