Indonesia inthlan vote tla chhiartu mi 270 chuang an thi tawh.

0
323
views

April ni 17 khan Indonesia-ah hian khawvel huapa ni khata inthlanna lian ber buatsaih a ni a, inthlanah hian mi mtd 260-in President bakah national leh regional parliamentary-a \hu turte an thlang a, darkar 8 chhung, polling station 800,000-ah mipuiten ballot paper 5 hmangin vote an thlak a ni.

General Elections Commission thupuangtu Arief Priyo Susanto chuan Inrinni zan thleng khan vote chhiartute chu an thawhrim lutuk avanga chauin mi 272 an thi tawh a, mi 1,878 an dam lo bawk tih a sawi. April ni 23 khan Health Ministry chuan damdawi in te chu vote chhiartu damlo te \ha taka enkawl turin thupek an chhuah a, Finance Ministry chuan thi chhungte hnena zandnadawmna pek tur an buatsaih mek bawk tih Susanto hian a sawi a ni. Inthlan result hi May ni 22-ah puan a ni dawn a ni.