Indonesia khualzin phur thlawhna pakhat chu an ram khawpui Jakarta a\anga a thlawh chhuah hnu rei lo teah tuipuiah a tla a, thlawhna-a chuang mi 188 zingah dam khaw chhuak hmuh tur an la awm lo.

0
705
views

 

Flight JT 610 hi Pangkal Pinang pana thlawk a ni a, biak pawh theih anih loh hnuah tuiah hian a tla zui ta nia hriat a ni. Thlawhna hi a thar a ni a, a tlak chhan hi hriat a la ni lo a, Lion Air hi Indonesia-a thlawhna chuan man tlawm chi thlawhtitu company lian ber a ni.

Chhanchhuah hna thawktute aiawha thupuangtu Yusuf Latif chuan thlawhna hi tui chhung metre 30 a\anga 40 velah a tla tih a sawi a, thlawhna keh darh them te an la dap khawm mek tih a sawi a, passenger te bungrua ni ngeia rin thil chi hrang hrang ID Card, Driving License leh thil dangte chhar a ni a, dam khaw chhuak an awm a beisei awm loh a ni.

Flight JT 610 hi Jakarta a\angin zing dar 6.20 ah a thlawk chhuak a, darkar khat hnuah Depati Amir Airport-ah \um tura ngaih a nih laiin, a thlawh chhuah a\anga minute 13 ah thlawhna hi biak pawh theih lohin a awm zui ta mai a ni. Thlawhna-a chuangte zingah hian Indonesia Finance Ministry-a thawktu mi 20 pawh an tel a ni.