Indonesia Lombok thliarkar Pathianni-a lirnghing na takin a sawi avanga chhiatna nasa tak thlengah chhanchhuah hna thawh chhunzawm zel a nih laiin a zuitu lirnghing tenau deuh zawk aftershock in a la sawi chhunzawm zel.

0
447
views

 

US lirnghing chanchin zirchiangtute chuan lirnghing thar ber hi magnitude 5.9 a na a ni a, in \henkhat a sawi chim leh avangin mipui an chiai thar leh hle a ni. Chhanchhuah hna thawktute chuan in chim karah chhanchhuah tur an la awm em tih an la dap chhunzawm zel a, Red Cross chuan mi 131 in an thih phahna Lombok lirnghing hi chhiatna thlen nasa ber zinga mi a ni tih an sawi a, thingtlang khaw \henkhat, a khaw puma chhe vek te pawh a awm tih Red Cross hotu zinga mi Lombok ami chuan a sawi. Sorkarin lirnghing vanga mitthi zat a chhinchhiah chu 131 a ni a, hetihlai hian tualchhung chanchinbute chuan mitthi zat hi 347 an tling tawh niin an tarlang thung. Sorkar chuan mi 1400 an hliam a, mi 156,000 te chu chenna nei lovin an awm niin a sawi.