Indopui pahnihna hnu lama tun ang tlukin Japan ram himna la derthawng ngai lo – PM Shinzo Abe

0
641
views

Japan PM, Shinzo Abe-a’n Indopui pahnihna hnu lamah tun ang tluka Japan ram himna derthawn hi a la awm ngai lo niin a sawi a, hei hi North Korea ch>t vel dan leh a thil tih vang nia sawiin, Japan mipuite himna atan sorkarin theihtawp a chhuah zel tur thu a sawi. Kum thara thuthar lakhawmtute a kawmna hmasa berah Shinzo Abe-a chuan, Asia chhim chhak lama ralmuanna boruak chu a derthawng hle niin a sawi a, September thlaa North Korea-in a vawi 6-na atana nuclear ralthuam a en chhin a\ang leh, November thlaa khawmualpui kap phak missile a kah chhin hnuah phei kha chuan, fimkhur a ngai ta hle niin a sawi. Shinzo Abe-a chuan hetiang hi an dinhmun a nih t^k avangin, Japan pawhin a ram ven him dan a ennawn a, thil thar a ngaihtuah a ngai ta niin a sawi a, thil tih dan tur kimchang erawh chu a sawi lo a ni. Thla hmasa khan Japan sorkar hian sipai leh ram ven himna atana a sum ruahman thar chu a pawm a, defence budget hi a zawnin kum 6 tihpuna ni tawh a, a hnuhnung berah hian za zela 1.3-a tihpun a ni a, dollar tld. 46 vel a tling tawh a ni. United Nations-a US ambassador, Nikki Haley chuan, North Korea hian missile dang a kap chhin leh mai thei tih thu an dawng niin a sawi a, ti tawh lo turin North Korea hi a vau nghal a ni.