Information Commissioner atana Dr. C. Lalzirliana ruat a nih hriattirna hi Mizoram Sorkar chuan kumin February ni 27 khan a tichhuak a, vawiina thu tiam tira lakluh a nih a\ang khan a hna thar hi a zawm nghal a ni. Dr. C. Lalzirliana hi kum 1961 December ni 11-ah a piang a, zirna lamah MBA leh M.Com a zawh hnuah Ph.D a hmu leh a, Mizoram sorkar hnuaia KVI-ah Development Officer hna kum 1987-ah zawmin kum 2011 a\anga 2016 thleng Trade & Commerce Director hna a chelh a, Pachhunga University College, Govt. Hrangbana College leh Govt. Aizawl College-ah te Commerce Department-ah Lecturer hna a lo thawk tawh bawk a ni. Mizoram Information Commission-ah hian Information Commissioner hi Post 2 a ni a, tunhma lam chuan Post 1 chauh hnawhkhah \hin a ni a, tunah hian a pahniha hnawhkhah a ni ta a, Dr. C. Lalzirliana bakah hian nikum May thlaa lakluh Pu Zorammawia IPS (Rtd) nen Information Commissioner hna hi an chelh dun dawn a, Chief Information Commissioner ni lai chu Pu Lalduhthlana IFS (Rtd) a ni.
