Inkharkhip a tawp hnua thlawhna an service chhunzawm theih nan ticket man tihsan a ni dawn tih khualzinte hriattir an ni a, amaherawhchu, ram chhunga coronavirus kai an pun zel avangin ram chhung thlawhna te chu an service leh vat a beisei awm loh thung.

Thlawhna a service leh theih hunah pawh khualzinte chu \umhmunah inhnaih lo thei ang bera an awm a ngai dawn a, thlawhna chuan man pawh a hma aia to tura ngaih a ni bawk.

Sorkar thupuangtu sawi danin thlawhnaa chuang tur khualzinten \umhmunah inhnaih lova awm chu an ngaipawimawh tur a ni a, Central Industrial Security Force te chu \umhmunah khawsik enna hmanrua nen khualzinte enkdik turin dah an ni ang a, khawsik nei reng rengte chu \umhmuna an luh phalsak an ni dawn lo a ni. Thlawhna chuang turte chu check in leh security check neih laiin metre khat dan talah an intlar a ngai dawn a ni.

Thlawhna chhungah pawh a seat lai chu dah awlin, a sir ve ve-ah khualzinte chu an \hu ang a, hei hi coronavirus inkaidarh tur laka inven nana ruahman a ni.