Inrinni tuka Uttar Pradesh-a Apple Company hnathawk, Vivek Tiwari police constable pahnih-in an kahhlum chungchangah State Law and Justice Minister Brijesh Pathak-a’n Police chhui an ni dawn tih a sawi.

0
463
views

 

Tiwari chhungte chuan thil thlen dan police hotu \henkhatin thup an tum niin an sawi a, hei hi Pathak chuan thudik nia a hriat thu leh FIR thehluh hmasak a nih \umin thil dik tawk lo a awm ngei niin a sawi a, hei vang hian Police lam pawh chhui ngei an nih tur thu a sawi bawk a ni.

Tiwari chhungte hi State CM Yogi Adityanath pawhin vawiinah khan a hmu a, zangnadawmna cheng nuai 5 sorkarin a pek bakah, Tiwari-a fate lehkha zirna tur cheng nuai 5 leh a nu tan cheng nuai 5 a pe dawn bawk a ni. Tiwari nupui, Kalpana chuan Adityanath hian kawng engkimah puih a tiam niin a sawi a, dik taka rorel a nih ngei a beisei thu leh sorkar a rin tawk thu a sawi bawk a ni.

Puan tawh angin Tiwari hi a \hianpa nen Lucknow Gomti Nagar-ah police constable-in tih din an tum a, Tiwari hian police bike a tai hnuah, Constable pakhat chuan a silai phawrhin a kap a, damdawiin panpui a nih hnuah a thi a ni. Pawikhawihtu Constable Prashant Chowdhary chuan mahni invenna atan silai hmet puak a nih thu a sawi ve thung a, Tiwari-te hian an motor light an chhit loh thu leh \um thum lai an bike sut luih a nih hnuah tih\haihna atan a pistol chu a phawrh niin a sawi bawk a, Tiwari hian chil a tum vang chauhin a kap ta niin a sawi a ni.

Tiwari-a \hianpa, he thil thlen laia motor-a chuang ve erawh chuan police-te hian bike-in an motor tlan pelin lo dan an tum niin a sawi ve thung a, police an ni tih pawh an hriat loh thu leh bike chu hel an tumna lamah an tai niin a sawi a ni.