Inter High School Quiz, 2017 zo fel

0
823
views

Mizo Zirlai Pawl-in Inter High School Quiz, 2017 a buatsaih chu nizan khan zawh fel a ni a, a pumpuiah Ramhlun South-a Kids Care School chu pakhatna a ni. Nizana a kharna inkhawm, Khatla-a Ignite Studio-a neih chu MZP General Secretary, Lalnunmawia Pautu-in a kaihruai a, an pawl President, L. Ramdinliana Renthlei chuan, \awng hman dik leh dik lovah zirlaiten mawhphurhna sang tak an nei tih sawiin, Mizo hnam chu \angthar zelte tan hnam mawi leh duhawm a nih zel theih nan \awng hman dik a pawimawh tih a sawi. Pi leh puten an thlahte tana ram an lo sah zauh leh an enkawl tawh \henkhat chu mi ram ang hiala ngaih a lo ni ta leh, neih let leh theih tawh lo ang hiala Mizote rilrua a pil bo hret hret chu MZP chuan pawi a ti hle tih sawiin MZP President chuan, Mizoram ramri dik tak chu mipuiten an hriat theih nan thawh an tum thu leh, hun remchang hmasa berah CM hlui, Pu Ch. Chhunga ram, Bairabi-ah Zofate Chawlhbuk sak an tum thu a sawi bawk.

MZP Inter High School Quiz-ah hian Mizoram hmun hrang hrang a\angin High School 13 an tel a, a pumpuia 1-na, Kids Care School hian Rs. 30,000, thuziak leh Trophy an dawng a. Pahnihna – Living Water school-in Rs. 20,000, thuziak leh trophy, pathumna – Home Missions school-in Rs. 10,000, thuziak leh trophy an dawng a ni.