International Chin Christian Youth Conference tan

0
311
views

International Chin Christian Youth Conference, Lawngtlai AOC Veng Field-a neih tur chu zanin hian \an a ni dawn. Conference neihna tur Pandal, mi 3,000 chuang lenna, AOC veng field-a sak chu nizan khan Pathian hnenah hlan a ni a, ahlanna inkhawm, Organising Committee Chairman, Rev. B. Zazawna kaihhruaiah Lairam Isua Krista Baptist Kohhran General Secretary, Rev. C. Hrangzuala’n Pathian thuchah sawiin, Mizoramah Pathian \ihna a awm takzet chuan mi rethei leh kutdawhte an awm lo thuai ang a, \hangtharte nungchang mawi lamah leh zirna lamah an inel ang a, ram hi ram nuam leh mawiah siam a ni dawn niin a sawi. Pandal hlanna inkhawmah hian LIKBK Assembly ZaiPawl, Lawngtlai Area BCM Zaipawl, LIKBK Vengpui Pastor Bial Zaipawl, LIKBK AOC Pastor Bial Zai Pawl leh LIKBK Chanmari Pastor Bial Zaipawl bakah LIKBK College Veng Pastor Bial Zaipawlte an zai a ni.