ICRC hian kar hmasa Zirtawpni khan Venezuela-a buainain mipui te a nghawng dan chu an ngaihmawh thu an puang a, President Peter Maurer leh a \huihruaite hi Venezuela-ah hian Inrinni a\angin an cham tawh a, Caracas-a Venezuela President Nicolas Maduro an kawm hnuah Maduro hian a hmaa ram dang a\anga \anpuina lut tur a lo dan \hin chu tihtawp a remtih thu a puang a, amaherawhchu ICRC nena an thawhhona hi Venezuela ram dan hnuaiah a ni tur a ni a ti thung.
Nicolas Maduro leh Juan Guaido te thuneihna inchuh vang hian Venezuela mipui te’n an tuar nasa hle a, Juan Guaido thlawptu US hian Maduro hi a nihna a\ang bang tura a duh vangin tuialhthei hmanga Venezuela sumdawnna chu a hrek a, sum lamah harsatna tawh belh nasa zual a, eitur tlakchhamna leh natna a hluar phah bawk a, Maduro chuan US hrekna a mawhpuh laiin, Guiaido chuan eirukna leh sorkar kaihhruina \hat tawk loh vang a nih thu a sawi thung a ni.
