International Court of Justice -in Kulbhushan Jadhav-a chungchang a rel dan chu India chauh ni lovin dan rorelna-a rinna nghattute zawng zawngte tan thil lawmawm a ni tih Foreign Minister S Jaishankar-a’n a sawi.

0
381
views

Kulbhushan Jadhav-a hi india lawng sipai officer pension tawh a ni a, Pakistan in enthlatu-a puhin a man a, thi tura a chung thu rel a nih hnu kum khatah International Court of Justice hian a chungchang hi ngaihtuahin, Pakistan sipai court chu a chungthu ngaihtuah nawn leh turin a ti a ni.

Kum 49 mi Kulbhushan Jadhav-a man a nih dan hi dan kalh a ni tih Foreign Minister S Jaishankar hian a sawi a, chhuahtira India-a haw let tir thuai turin Pakistan sorkar chu India in a phut tih Parliament rorel inkhawmah a sawi.

Pakistan hian Kulbhushan Jadhav hi thi tura a chungthu a rel veleh India chuan International Court of Justice hi inrawlh turin a ngen a, court hian kum 2017 May thla khan Pakistan court rorelna chu a tikhawtlai lailawk nghal a, UN Court hian Pakistan hian Vienna convention thuthlung a bawhchhia tih sawiin, Kulbhushan Jadhav-a hi India palaiin a biak pawh phalsak tur a ni a, a aiawha thiamthu sawi tur pawh a nei tur a ni a ti a, Pakistan court chu a thutlukna siam ennawn turin a ti a ni.