Online hmanga bill pek theihna tur hi Power & Electricity Dept changtu Minister Pu R. Lalzirliana’n Aijal Club ah a hawng a. Minister chuan mipuite harsatna chhawk zangkhai tura ruahmanna thar kalpui theih a ni ta chu lawmawm a tih thu sawiin, tunah chuan electric bill pe duh ten department counter pan kher a ngai tawh dawn lova, nilenga thui tak tak bill pe tura intlar a \ul tawh dawn lo a ni a ti. Smart meter hmang tura inpuahchah mek a nih thu pawh Pu R Lalzirliana hian sawiin an tihhlawhtlin hunah chuan meter reading dik lo vanga mipuite harsatna tawh \hin a bo theih beisei a ni a ti.
BBPS kaltlang hian electric bill te hi pek theih dan chi hrang hrang a awm dawn a, powermizoram.gov.in portal ah lutin a pek theih dawn a, Mobile App hrang hrang BHIM, UPI, Paytm, Phonepe, GPay leh channel dang BBPS nena thlunzawm hmangte-a pek theih a ni ang. Hawnna inkhawm hi P&E Secretary Dr. Lalzirmawia Chhangte in a kaihruai a ni.
