Inthlanna dik leh felfai neih theihna tura hmalatu Mizoram People Forum in kumin kum tawp lamah Mizoram Assembly inthlanna neih tur thianghlim, dik leh felfai taka buatsaih anih theih nan Political Party hrang hrangte nen tan lak ho dan tur a ruahman.

0
281
views

 

Vawiina Vanapa Hall-a Annual General Meeting vawi 12-na, an President, Rev. F. Lalrinnunga kaihhruaia neihah MPF chuan inthlanna thianghlim, dik leh felfai a\anga sorkar inrelbawlna \ha neih theihna tura thil ngaihpawimawh tur chi hrang hrang an tarlang a, chung zingah chuan ram khualehtui dik tak te vote thlak tir \heuh, vote thlak tura hmun dang a\anga an khuaa kalte motor-a hruai loh te, Election Commission of India-in candidate pakhat sum hman phal chin atana cheng nuai 20 a bituk khum loh, candidate leh an awmna party hruaitute hnen a\anga pawisa dil loh, in tina lut lawr campaign turte chu Local Forum hruaitute nena kal tir, sum leh therhlo dang hmanga vote lei loh, mipui tana ruai \heh sak loh, Social Media hmanga inthlan kaihhnawihah thudik lo thehdarh loh te, invau leh inrikrapna tel lova inthlanna neih te, inthlan manifesto-ah a tak ram thleng thei tur leh tihhlawhtlin theih tur chauh hman te, candidate atan party tin mi hming\ha, mize nghet leh puitling thlang se tih te a ni. MPF Annual General Meeting hi chawhnu lamah Vice President, Pu Vanlalruata’n a kaihruai a, hetah hian General Secretary, Rev. Dr. R. Lalbiakmawia pawhin thu a sawi a ni.