Inthlanpui neih dawn \epah Arunachal Pradesh ah cheng vbc 6 chuang man a ni tawh.

0
236
views

Prime Minister Narendra Modi-a’n Arunachal Pradesh-a campaign beihpui thlaka thu a sawi dawn zanah tangkafai cheng vbc 1 nuai 80 chu Police ten hotel pakhat a\angin an man a, heng tangkafai phurhna car pahnih chu BJP party tana campaign-tute ta a ni tih Congress Party chuan an sawi. Congress party hian Election commission chu Prime Minister Narendra Modi leh Chief Minister Pema Khandu te laka thubuai siam turin an phut a ni.

Inthlan dawn hnaihah Arunachal Pradesh ah hian tangkafai cheng vbc 6 man a ni tawh a, Pasighat-a Siang guest house-a mikhual thlengte motor hmante chu heng tangkafai phurh nana hman a ni tih congress party worker te chuan an sawi a, cheng vbc 1 chuang man chhuahna car pakhat chu Mebo Assembly biala ding tur Dr Dengi Perme-a car a ni tih leh a dang cheng nuai 80 phurhna chu transport dept motor, Dy Chief Minister nilai Chowna Mein in a hman lai a ni an ti.

Hetihlai hian Chief Minister Pema Khandu chuan tangkafai hmanga vote leia BJP puhna chu thu dik lo a ni tiin, Congress party chu sum hmanga inlei tlin tum zawk an ni a ti thung a, Tangkafai manna motor pakhat chu BJP candidate ta a ni ngei tih erawh a pawm a, Election Commission in thil awmdan a chhui chian hnuah engkim a chiang mai dawn a ni a ti.