INX Media thubuai kal zelah Enforcement Directorate, ED chuan ram chhung leh pawna Karti Chidambaram-a in leh thil hlu neihte an hreng.

0
459
views

 

ED thuneitute chuan Chidambaram-a in hrang hrang an hrente hi cheng vbc hu vel a ni tih an sawi a, UK Somerset-ah vbc 8.67 man hu in leh Spain Barcelona-a vbc 14 man hu tennis club bakah, New Delhi-a in chhawng khat leh Tamil Nadu Ooty-a bangla pahnih leh Kodaikanal-a a huan te chu khaawih chet theih lovin an hren sak tih an sawi a, hengte hi amah Chidambaram-a hming bakah a company nia hriat, ASCPL hminga dah a ni tih an sawi a ni. Chidambaram chuan ED-te’n a in leh thil hlu dangte an hrenna dan chu behchhan nei lo leh rinthu a nih avangin belhchian a dawl lo niin a sawi a, beih let ngei a tum thu a sawi a ni.

Puan tawh angin Karti Chidambaram hi Union Minister hlui P Chidambaram-a fapa a ni a, a pa hi UPA kaihhruai sorkar-a Finance Minister a nih laiin INX Media-in dik lo taka ram pawn lam a\anga sum a dawn theihna tur phalsak turin thamna eng emaw zat a dawng niin he thubuai chhuitute chuan an sawi a, he thubuaiah hian February ni 28 khan CBI chuan an lo man tawh a, bail-a chhuah leh a ni.