I&PR-in Mizoram Calendar, 2018 leh Mizoram Diary zuar tan

0
766
views

Information and Public Relations Department-in Mizoram Calendar, 2018 leh Mizoram Diary a siam chu nimin a\ang khan Treasury Square-a I&PR Pisa-ah zawrh chhuah \an a ni a. Calendar hi pakhat cheng 50 a zawrh a ni a, Mizoram Diary bu lian cheng 100 leh a t> cheng 80 a hralh a ni a. Nimin a\ang khan lei tum mi tam tak intlar nghal a, vawiin pawh khan mi tam takin an lei a ni. I&PR Department hotute chuan, tun \umah hian Calendar 70,000 leh Diary, a lian leh a te 4,000 ve ve an siam tih an sawi a. Calendar hi tlem a zawng hralh tur a la awm a, Diary chu hralh chhuah tur a awm tawh lo niin an sawi. District danga mite pawhin Calendar hi an chan ve theih nan kuminah hian Lunglei District-ah Copy 6,000, Kolasib-ah 3,000, Serchhip-ah 2,000, Champhai-ah 2,000, Lawngtlai leh Siaha-ah 1,500 ve ve leh Mamit District-ah Copy 1,100 thawn a ni a, state pawna Mizoram House awmna-ah an thawn nual bawk. I&PR hotute chuan, Calendar leh Diary hi Kolkata-ah siamtir a nih thu leh a hralh chhawnnaah sorkar-in hlep a neih loh avangin copy tam zawk siam theih a nih loh thu an sawi a, Calendar hi zawrh chhawn emaw, mahni mamawh tawk aia tam lei emaw phal a nih loh thu an sawi bawk.