I&PR Minister Pu Lalruatkima’n hnam dangin Mizoram an luah theih loh na turin dan \ha tak awmsa chu ram neituten an kenkawh a ngai niin a sawi.

0
454
views

He thu ni nizana Sakawrhmuituai Group YMA Conference Serkhana neih a hmanpuinaah sawiin Pu Lalruatkima chuan, Mizorama huan lo ram te chu hnam dang lakah hralh a rem lo niin a sawi a, hemi kawngah hian Sorkar pawh a fimkhur hle a ni a ti a, hnam dang lakah a neitu te hian an humhalh tlat tur a ni tih a sawi. Pu Lalruatkima chuan, Mizo te chu hnam rinawm, taima leh tlawmngai nia sawi \hin chu ala ni reng em tih mahni \heuh inzawt tura a duhthu sawiin siam \hat ngaina leh inbihchinna tur awmah te in siam\hat ngam a, inbihchian ngam a \ul a ni a ti. Pu Lalruatkima chuan, Mizote Pathianin ram a pek chu an thlah kal zel te tana chhenfakawm a nih theih nan ramngaw ti chhe theitu leka venhim te, lui leh sangha leh nungcha humhalh kawngah \anlak thar a ngai tih sawiin Mizoramah ngei hnamdangin Mizo te thawhthiam thawkin sum tam tak an hailut a inenfiah a ngai hle tih sawiin eng hna pawh thawhhreh nei lo turin YMA member te chu a fuih a ni.

Inkhawm hi Sakawrhmuituai Group YMA Committee member Pu K Lalthanpuia’n a kaihruai a, Kumpuan Ram leh Hnam humhalh tih thupui hmangin Central YMA Finance Secretary Pu Fabian Lalfakawma’n thu a sawi a, malzai leh zaipawl te ngaihthlak a nih bakah Sakawrhmuituai Group YMA huam chhunga YMA member thi te an sun bawk. Sakawrhmuituai Group YMA ah hian Branch 5 a awm a ni.