I&PR Minister, Pu Lalruatkima’n Sorkar hmasin a tihtawp tawh Lottery Distributor 4-te nen inremna siam a, MNF sorkar-in eirukna nen bul a\an anga ZPM Leader, Pu Lalduhoma’n a puhna chu thudik lo a nih thu a sawi.

0
321
views

Vawiina thuthar thehdarhtute a kawmnaah Pu Lalruatkima chuan, Sorkar hmasain Lottery Distributor 4-te kum 2 chhung atan Contract a ziahpui chu an Contract zawh hnua \um engemaw zat a pawhsei sak chu titawp tura nasa taka nawr an hnuah tihtawp a ni tih sawiin, Contract tihtawp sak an nih chungchangah hian Lottery Distributor 4-te chu High Court-ah an zualko a, Court chuan an contract tihtawp chu hlip turin sorkar a hriattir a, Court thutlukna anga Sorakrin hma a lak loh chuan Court thutlukna zahlohna a nih dawn avangin tunhnaia Mizoram State Lottery Committee \hukhawm chuan, Lottery Distributor 4-te contract chu thla 6 atan pawhsei sak tura rawtna an siam ta niin a sawi. He thilah hian sum siam tumna emaw, dik lo tak thil tih tumna awm lova Court thupek anga he thutlkukna hi siam a nih thu Pu Lalruatkima chuan a sawi.