Iran lawng kang Japan lamah tawlh, ruang 2 hmuh belh

0
558
views

Iran tuialhthei phurtu lawng, China vau kam hnaiha kang mek chu nimin lam khan thli a nat deuh vangin, Japan vaukam lamah a tawlh tih Coast Guard-ten an sawi. Puan tawh angin he lawng, Sanchi hi Inrinni hmasa khan lawng dang nen a insut avangin, nasa takin a kang a, nimin khan lawng hma lam hi a puah avangin, a viltute pawh insaseng rih tura tih an ni a, vawiin khan lawng hi mi 4-in an kal chilh a, ruang pahnih leh lawnga thil pawimawh chhinchhiahna hmanrua, black box an chhar a, mei khu a nasat em avangin, an kirsan leh rih a ni. China thuneitute chuan lawng a\ang hian tuialhthei hlauhawm khawpin a la pût lo niin an sawi a, lawng dang 15 velin an vil reng bakah, Iran Special Commando pawhin an zawm ve tawh a ni.