Iran Parliament Speaker-in Iran do zawnga US President thusawi chhanah Saudi Arabia leh Israel puh

0
553
views

Iran Parliament Speaker, Ali Larijani chuan US President, Donald Trump-a chu Israel leh Saudi Arabia-in an kaihhruai dan a dik loh avanga Iran ram do zawnga thusawi \hinah a puh a, a thusawi tur hi Israel leh Saudi Arabia duh dana buatsaih nia sawiin, khawvel ram dangten Iran an kawmserh theihna turin Trump-a hian thu rum pui pui a sawi niin a sawi. Zirtawpni khan US President hian Iran hi a firfiaka chetna tihluartu-ah puhin, nuclear hmanraw chungchanga Iran thil tih tum chu a pawm duh lo a, Iran ramin nuclear ralthuam neih a tumna chu dodal zel a tum thu a sawi. Saudi Arabia leh Israel chuan Iran chungchanga President Trump-a thuchhuak chu lawmawm an tih thu an sawi a ni.