Iran ramin missile thar enchhin

0
466
views

Iran ramin US vauna pawisa lo-in vawiin khan missile thar a en chhin a, he missile hian ralthuam pakhat aia tam a pai theih bakah, km 2000-a hla a kap thei niin an sawi. Iran-in missile a en chhin hi nimin lawka tlangzarh kha a ni a, Khoramshahr tiin a hming an vuah a ni. Puan tawh angin, nimin khan Iran President, Hassan Rouhani chuan missile siam tur emaw, an sipai chakna tipung turin emaw, eng ram phalna mah lak an mamawh loh thu a lo sawi tawh a, UN General Assembly-a US President Donald Trump-a thusawi chhangin, America-in a remti emaw, remti lo emaw, ralthuam an siam chhunzawm zel tur thu a sawi bawk a, Donald Trump hian kum 2015-a Iran ramin nuclear thahrui a sawngbawl dan tur khuahkhirh tura an lo inrem tawhna a\anga chhuah leh tumin, chhuanlam a zawng niin a lo sawi tawh bawk a ni.