Trump-a hian thlawhna, drone hmanga Iran sipai general thah a ni hi US tih tur dik tak nia sawiin, General Soleimani hian US khua leh tuite beih a tum a, a \ul anih chuan finfiahna inteligence report pawh tlangzarh a ni ang a ti a, Airforce one-a chanchinbumite a kawmnaah Iran-in a beilet anih chuan engtianga hmalak nge a tum tih zawhna chhangin Trump-a chuan Iran in a beilet a nih chuan nasa takin US in a bei zui ang tih a sawi.
Trump-a hian Soleimani hi Iran nena indona pumpelhna tura thah a ni a ti a, Iran a che zui anih chuan a aia nain US a che ang tih a sawi bawk.
Trump-a hian Iraq pawh vaukhanin, US sipaite Iraq a\anga chhuak tura tih an nih chuan lawm takin an chhuak lo ang tih a sawi a, an la tawn ngai loh hrekna nasa tak Iraq in a hmachhawn ang tih sawiin Iran hrekna chu a ve lek ang chauh a ni ang a ti a, Iraq ah hian US chuan thlawhna \umhmun danglam tak dollar tluklehdingawn tam tak hu a din a, Iraq in a man a rul let anih loh chuan US in Iraq chhuahsan a tum lo tih a sawi. University of Denver-a Middle East lam zirna hmun Director Nader Hashemi chuan Trump-a thu sawi dan chu ngaihtuahna fim lo, ngaihtuahna ti thui tak a ni a ti a, Indo chaknaa tuihal, a chapona leh president tlin nawn a tumna-in a bual at a ni a ti.
